काठमाडौँ । जल तथा मौसम विज्ञान विभाग मौसम पूर्वानुमान महाशाखाका अनुसार पछिल्लो १ घण्टामा बागमती र गण्डकी प्रदेशका अधिकांश स्थानमा पानी परेको छ ।
महाशाखाका अनुसार चितवन, तनहुँ र नवलपुरको सीमा क्षेत्रमा धेरै पानी परेको छ भने काडमाण्डु, ललितपुर, काभ्रेलगायतका जिल्लामा पनि पानी परिरहेको छ ।
कोशी, बागमती, गण्डकी, लुम्बिनी र कर्णाली प्रदेशका थोरै स्थानमा पानी परिरहेको छ । सुदूरपश्चिम प्रदेशका पनि एक-दुई स्थानमा हल्का वर्षा जारी छ। आज बागमती र गण्डकी प्रदेशका तराई भू-भागका धेरै स्थानमा पानी पर्नेछ ।
मधेस प्रदेशका साथै कोशी, लुम्बिनी र सुदूरपश्चिम प्रदेशको तराई भू-भागका केही स्थानमा पनि मेघगर्जन र चट्याङ्गसहित मध्यमसम्मको वर्षाको सम्भावना रहेको महाशाखाको भनाइ छ।
देशको हिमाली भू-भागका केही स्थानमा मध्यमसम्मको वर्षा वा हिमपातको सम्भावना छ । पहाडी भू-भागका धेरै स्थानमा भने मेघगर्जन र चट्याङ्गसहित मध्यमसम्मको वर्षा हुनेछ।
प्रकाशित मिति: सोमबार, साउन १८, २०८३
