हुम्ला । जिल्ला प्रहरी कार्यालयले निर्वाचन प्रहरीको अन्तिम नतिजा आज प्रकाशित गरेको छ ।
आगामी फागुन २१ गते हुने प्रतिनिधि सभा निर्वाचनका लागि आवश्यक ५ सय ९५ जनाका लागि लिएको छनोट प्रक्रिया अन्तरगत आज २ सय ४९ जनाको वैकल्पिक नाम राखेर नतिजा प्रकाशित गरेको जिल्ला प्रहरी कार्यालयका सूचना अधिकारी इनिष्पेक्टर विष्णु प्रसाद श्रेष्ठले बताउनुभयो ।
म्यादी प्रहरीका नामले चिनिने निर्वाचन प्रहरीका लागि हुम्लामा १ हजार २ सय १६ जनाले दिएको आवेदनबाट विभिन्न चरणको प्रक्रिया पुरा गरेर आज ५ सय ९५ जनाको नाम प्रकाशित गरिएको छ । लिखित परिक्षाबाट उत्रिर्ण भएका ८ सय ३४ जनामा ५ सय ९५ जनाको मौखिक परिक्षा लिएको जिल्ला प्रहरी कार्यालयले २ सय ४९ जनालाई वैकल्पीक राखेर अन्तिम नतिजा प्रकाशित गरेको हो ।
जिल्लाका लागि आवश्यक कोटामा ५४ जना ससस्त्र प्रहरी बल र ५ सय ४९ जना नेपाल प्रहरी मार्फत परिचालित हुने भएका छन्। छनोट भएका म्यादी प्रहरीका लागि यहि माघ १५ गते देखि दश दिनका लागिाकध निर्वाचन सम्बन्धी सुरक्षा तालिम दिइने जिल्ला प्रहरी कार्यालय हुम्लाका सूचना अधिकारी इनिष्पेक्टर श्रेष्ठले बताउनु भयो। उहाँकाअनुसार उत्रिर्ण भएका उम्मेरदवारका लागि भोली १३ गते १० बजेदेखि प्रहरी कार्यालयको सम्पर्कमा आउन सूचना जारी गरिएको बताउनुभयो।
गाउँमा यूवाहरु माझ बढ्दै गएको बेरोजगार समस्याका कारण यो वर्ष माग भन्दा झण्डै तेब्बरको संख्यामा यूवाहरुले आवेदन दिएको प्रहरी कार्यालय हुम्लाले जनाएको छ। निर्वाचन प्रहरी भर्ना छनौट नियुक्ति तथा परिचालन सम्बन्त्री एकिकृत कार्यविधि २०८२ अनुसार जिल्लाका लागि आवश्यक निर्वाचन प्रहरीको भर्ना प्रक्रिया गएको पौष २५ गतेबाट आवेदन माग गरिएको थियो ।
प्रकाशित मिति: सोमबार, माघ १२, २०८२
