हुम्ला । निर्वाचन प्रहरीका लागि हुम्लामा १ हजार २ सय २२ जनाले आवेदन दिएका छन् ।
फागुन २१ गतेको प्रतिनिधि सभा निर्वाचनलाई लक्षित गरी हुम्ला जिल्लामा नेपाल प्रहरीतर्फ ५ सय ४९ जना र सशस्त्र प्रहरीतर्फ ४६ जना गरि जम्मा ५ सय ९५ जना निर्वाचन प्रहरीका लागि दरखास्त आह्वान गरिएको थियो ।
जिल्ला प्रहरी कार्यालय हुम्लाका प्रमुख डिएसपी शंकर खड्काका अनुसार पुस २५ गतेदेखि भर्ना आवेदन मागिएको थियो ।
९ सय ५ जना पुरुष र ३ सय ११ जना महिलाले निर्वाचन प्रहरीका लागि आवेदन दिएका छन् ।
निर्वाचन प्रहरीको नियुक्ति अवधि ४० दिनका लागि रहनेछ भने आवश्यकता अनुसार सरकारले अवधि थप गर्न सक्ने व्यवस्था समेत गरेको छ ।
निर्वाचन प्रहरीले प्रतिदिन ८ सय ६९ रुपैयाँका दरले पारिश्रमिक पाउनेछन् भने जस अनुसार ४० दिनको कुल पारिश्रमिक ३४ हजार ७ सय ७६ रुपैयाँ तोकिएको प्रहरीले जनाएको छ ।
प्रकाशित मिति: शनिबार, माघ ३, २०८२
