परासी । नवलपरासी (बर्दघाट सुस्ता पश्चिम) का प्रमुख जिल्ला अधिकारी कृष्णप्रसाद लम्सालले प्रत्येक दिन आधा घण्टा सेवाग्राहीको गुनासो सुन्न थाल्नु भएको छ ।
मङ्गलवारदेखि उहाँले कार्यालयमा स्थापना गरिएको हेल्प डेक्समा बसेर प्रत्येक दिन मध्यान्ह १२ बजेदेखि १२ः३० सम्म सेवाग्राहीको गुनासो सुनि समाधानका लागि पहल गरिरहनुभएको छ ।
आफू कार्यालयमा नहुँदा अन्य अधिकारीलाई वैकल्पिक रुपमा डेक्समा राखिने उहाँले बताउनुभयो । ‘म नभएको बेला हेल्प डेक्समा सहायक प्रमुख जिल्ला अधिकारीले नागरिकको गुनासो सुन्नु हुनेछ, उहाँ पनि नभएको बेला अधिकृतले गुनासो सुन्ने र सेवा प्रवाहलाई चुस्त बनाइने छ’ प्रजिअ लम्सालले भन्नुभयो ।
आफूहरूको समस्या प्रमुख जिल्ला अधिकारीले नै प्रत्यक्ष सुनेर समाधान गर्न थालेपछि सेवाग्राही खुसी भएका छन् ।
प्रकाशित मिति: बिहीबार, कात्तिक २०, २०८२
