पोखरा। गण्डकी प्रदेशमा थप ३४ जनामा नोबेल कोरोना भाइरस (कोभिड १९) को सङ्क्रमण देखिएको छ ।
स्वास्थ्य निर्देशनालय गण्डकीका अनुसार बाग्लुङका २७ जना, तनहुँका ६ र पर्वतका १ जना गरी ३४ जनामा कोरोना पुष्टि भएको हो ।
यससँगै गण्डकीमा कोरोना सङ्क्रमितको सङ्ख्या ८ सय ८८ पुगेको गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा. विनोद विन्दु शर्माले जानकारी दिनुभयो ।
पोखरामामै गरिएको परीक्षणमा कर्णाली प्रदेशका थप एक जनामा पनि सङ्क्रमण पुष्टि भएको छ । गण्डकीमा अहिलेसम्म १ सय २१ जना निको भएर घर फर्किएका छन् भने २ जनाको मृत्यु भएको छ ।
प्रकाशित मिति: आइतबार, असार १४, २०७७, ०७:२४
