काठमाडौँ । मधेस केन्द्रीत राजनीति गरिरहेका सङ्घीय समाजवादी फोरम नेपाल र राजपा नेपालबीच पार्टी एकताको कुरा लामो समयदेखि चलिरहेको छ ।
पछिल्लो समय बाबुराम भट्टराई नेतृत्वको नयाँशक्तिसमेत यी दुई दलसँग एकता गर्ने गरी छलफलमा रहेको बताईए पनि तयारी र छलफल हेर्दा त्यस्तो लाग्दैन ।
प्रदेश २ मा सङ्घीय समाजवादी फोरम नेपाल र राजपाको गठबन्धन सरकार छ । तर फोरम संङ्घीय सरकारमा सहभागी छ भने, राजपाले समर्थन फिर्ता लिएको छ ।
‘उहाँहरूलाई पत्र पठाएका छौँ । सरकार छोडेर आएपछि पार्टी एकताको बारेमा वार्ता गरौँ भन्नु भएको छ । हामीले भनेका छौँ कि पार्टी एकीकरणको निर्णय गर्नुस् । हामी सरकार छोड्दिन्छौँ ।’ नेता अरगरियाले सीआईएनसँग भन्नुभयो ।
पछिल्लो निर्वाचनमा मधेसमा पकड बनाएका दुई दल पार्टी एकता गरेर थप बलियो हुने रणनीतिमा छन् । फोरमका केन्द्रीय सदस्य उमाशंकर अरगरियाले आफूहरूले राजपाबाट पत्र वा प्रतिक्रिया कुरेर बसेको बताउनुभयो ।
‘उहाँहरूलाई पत्र पठाएका छौँ । सरकार छोडेर आएपछि पार्टी एकताको बारेमा वार्ता गरौँ भन्नु भएको छ । हामीले भनेका छौँ कि पार्टी एकीकरणको निर्णय गर्नुस् । हामी सरकार छोड्दिन्छौँ ।’ नेता अरगरियाले सीआईएनसँग भन्नुभयो ।
राजाले पार्टी एकीकरणका लागि केही दिनअघि वार्ता समिति पनि बनायो । समितिका संयोजक राजेन्द्र महतोले एकताका लागि आन्तरिक छलफल भइरहेको दावी गर्नुभयो । ‘हाम्रो विचार मिल्ने जुनसुकै पार्टीसँग पनि छलफल र वार्ता गर्छौँ ।’ संयोजक महातोले वार्ता समितिलाई सक्रिय बनाएर जाने तयारीमा आफू रहेको बताउनुभयो ।
मधेसवादी दुई दलबीच एकीकरणको पहल भइरहँदा बाबुराम भट्टराई नेतृत्वको नयाँ शक्ति पार्टीबीच पनि एकताको तयारी भइरहेको राजपाका नेता बताउँछन् । तर पार्टी एकीकरणका लागि नयाँ शक्ति नेपाल भने तयार देखिएको छैन ।
यसअघि गत असोजमा फोरमले एकतर्फी एकताका लागि पहल सुरु गरेको थियो । केही दिन यता पार्टी एकताका लागि राजपाले पनि मनस्थिति बनाएको छ । उसले नयाँ शक्ति नेपालसहित अन्य साना दलसँग पनि एकताका लागि समिति बनाए पनि छलफलले तीव्रता पाएको छैन ।
‘नयाँ संविधान र थ्रेसहोल्डको व्यवस्थापछि धेरै दलहरू नेपालमा रहनसक्ने अवस्था देखिँदैन । तर त्यसको अर्थ विचार, सिद्धान्त, एजेण्डा, मूल्यमान्यता छोडेर गरिने एकता दीर्घकालीन पनि हुँदैनन् ।’
नयाँशक्ति पार्टीका प्रवक्ता डम्बर खतिवडाले भन्नुभयो, ‘त्यसैले अहिले हामी कुनै दलसँग त्यस्तो एकता आदिइत्यादीको प्रक्रियामा छैनौँ ।’
सरकारमा सहभागी भएर पनि फोरमले माग गर्दै आएको जस्तो संविधान संशोधन हुन सकेको छैन । राजपाले जुन सरकारलाई दिएको समर्थन फिर्ता लियो, त्यही सरकारमा सङ्घीय समाजवादी फोरम छ ।
राजनितिक उद्देश्य र बाटो फरक बनाएका दलहरूबीच पार्टी एकताका लागि सानोतिनो गृहकार्यले नपुग्ने बताउनुहुन्छ राजनीतिक विश्लेषक डा. भोगेन्द्र झा ।
‘इस्यूहरूको आधारमा एकता त चुनावताका मात्र हुन्छ । त्यसपछि सत्तालिप्सा नै बढी हुन्छ । त्यसैले व्यक्तिगत स्वार्थलाई तिलाञ्जली दिएर प्रतिबद्धता र सिद्धान्तमा कटिवद्ध भएर नेतृत्व पक्ष लाग्दैनन् भने एकता सम्भव हुँदैन ।’ विष्लेषक झाले भन्नुभयो ।
यसअघि गत असोजमा फोरमले एकतर्फी एकताका लागि पहल सुरु गरेको थियो ।
तर केही दिन यता पार्टी एकताका लागि राजपाले पनि मनस्थिति बनाएको छ । उसले नयाँ शक्ति नेपालसहित अन्य साना दलसँग पनि एकताका लागि समिति बनाए पनि छलफलले तीव्रता पाएको छैन ।
प्रकाशित मिति: शुक्रबार, चैत २९, २०७५, १०:५४
