सिन्धुपाल्चोक । गत शनिबारदेखि सिन्धुपाल्चोकको मेलम्ची खोलामा आएको बाढीले हालसम्म ६० घरटहरा बगाएको छ ।
हेलम्बुका किउल, चनौटे, ग्याल्थुम लगागत क्षेत्रमा मात्र ५५ र तालामाराङ र मेलम्चीमा ५ घर टहरा बाढीले बगाएको जिल्ला प्रहरी कार्यालय सिन्धुपाल्चोकका प्रहरी उपरीक्षक राजन अधिकारीले जानकारी दिनुभयो ।
उहाँका अनुसार असार १ गते आएको बाढीले लेदो भरिएका घरहरु गएरातिको बाढीले बगाएको हो । ती घरहरू खाली थिए । प्रहरी उपरीक्षक अधिकारीका अनुसार चनौटे ग्याल्थुम र ढुँगे्र बजार जोखिममा छन् ।
हेलम्बु ४ को ढुँगे्र बजार पनि जोखिममा रहेकाले प्रहरी तथा नेपाली सेनाले स्थानीयबासीको घरबाट समान सार्न सहयोग गरिरहेको उहाँको भनाइ छ ।
स्थानीय प्रशासनले भने बाढीको जोखिम कायमै रहेकाले सजग रहन स्थानीयबासीलाई अनुरोध गरेको छ । बाढी चनौटे बजार भएर बगिरहेको छ ।
यसअघिको बाढी पनि यही बजार भएर बगेको थियो । खोलालाई पुरानै धारमा फर्काएर बजार जोगाउन प्रयास भइरहेको थियो ।
जोखिममा रहेको बाहुने पाटी। बाढीले मेलम्ची-१२ मा रहेको मध्य पहाडी लोकमार्ग तथा मेलम्ची, इन्द्रावती, चौतारा र पाँचपोखरीलाई जोड्ने एक मात्र बाहुनेपाटी पुल जोखिममा परेको छ ।
यसअघि गएको असार १ गतेको बाढीबाट जोगिएको बाहुनेपाटी बजार अहिले भने जोखिममा रहेको छ । बाढीले ४ गोठ, एक पक्की पुल र एक झोलुङ्गे पुल बगाएको छ ।
एक फर्निचर उद्योग र एक रेडियोको भवन पनि बाढीले बगाएको छ । बाढीले हेलम्बुका दुईवटा पक्की पुल र २ वटा घरको अवस्था अज्ञात छ ।
हेलम्बु गायउँपालिका २ को कात्तिके खोलामा रहेको पक्की पुल, हेलम्बुको १ र २ वडा जोड्ने घट्टे खोलामाथिको पक्की पुलको अवस्था थाहा हुन नसकेको हो ।
यो पनि पढ्नुहोसेः
मेलम्चीको बाढीले २ वटा पुल बगायो
प्रकाशित मिति: सोमबार, साउन १८, २०७८, १०:३४
