काठमाडौँ । साविक विजेता अर्जेन्टिना कोपा अमेरिका फुटबलको फाइनलमा प्रवेश गरेको छ । बुधवार बिहान अमेरिकाको न्यू जर्सीमा भएको सेमिफाइनलमा क्यानडालाई २–० ले हराउँदै अर्जेन्टिनाले फाइनलमा स्थान सुरक्षित गरेको हो ।
अर्जेन्टिनाका जुलियन अल्भारेज र लियोनेल मेस्सीले गोल गर्नुभयो ।
जुलियन अल्भारेजले २३औं मिनेटमा गोल गर्दै अर्जेन्टिनालाई अग्रता दिलाएको खेलको ५१औं मिनेटमा मेस्सीले अग्रता दोब्बर पार्नुभयो । जारी प्रतियोगितामा यो मेस्सीको पहिलो गोल समेत हो ।
अर्जेन्टिनाले अब फाइनलमा कोलम्बिया र उरुग्वे बीचको दोस्रो सेमिफाइनलको विजेतासँग खेल्नेछ । दोस्रो सेमिफाइनल खेल विहीबार विहान हुनेछ ।
प्रकाशित मिति: बुधबार, असार २७, २०८१
