काठमाडाैँ । काठमाडौं प्रज्ञा कुञ्ज स्कुलले आयोजना गरेको नाट्य उत्सवमा १५ नाटक मञ्चन गरिएको छ ।
शिल्पि थिएटरमा शुक्रबार सम्पन्न भएको नाट्य सप्ताहमा विद्यालयका ४ देखि १० कक्षासम्मका विद्यार्थीले नाटक मञ्चन गरेका विद्यालयका प्रधानाध्यापक सुनिता पाैडेलले जानकारी दिनुभयो ।
नाट्य प्रशिक्षक एवं निर्देशक टंक चौलागाईँको नेतृत्वमा विजया कार्की, बन्सरा पाण्डे, विजय नेपाल र प्रतिक दुलालले निर्देशन गरेका १५ वटा नाटक मञ्चन गरिएको विद्यालयले जनाएको छ ।
यस पटकको नाट्य सप्ताहमा लेखक टंक चौलागाईंका कालु र बाघ, सानी र परी, इमान्दार दाउरे, उज्यालोतिर, चकलेट, खेल्ने बेला खेल्छौँ पढ्ने बेला पढ्छौँ, हिराको भोटो, श्रवणकुमारको कथा, प्रकेश सिन्धुलियको लेखन रहेको द फिनिस लाइन लगायत विभिन्न लेखकका शिशिर बसन्त, चार्ली एन्ड द चकलेट फ्याक्ट्री, ब्युटी ईज अ बिस्ट, फूलको भाषा, दुःखी राजकुमारी, पापवुध्दि धर्मवुध्दि जस्ता नाटक मञ्चन गरिएको हो ।
चलचित्र निर्देशक तुलसी घिमिरेको आतिथ्यमा सुरु भएको नाट्य सप्ताहको अन्तिम दिन प्रा. डा. सावित्री कक्षपतीलाई सम्मान समापन भएको थियो । कक्षपतिले विद्यालयले वालवालिकाको सर्वाङ्गीण विकासमा नाटकलाई अभिन्न अङ्गका रुपमा अपनाएकोमा प्रशंशा गर्नुभयो ।
विद्यालयले १२ वर्ष अघिदेखि नाटकको पठनपाठन सुरु गर्नुका साथै नाट्य सप्ताह पनि सञ्चालन गर्दै आएको नाट्यकर्मी तथा प्रशिक्षक टंक चाैलागाईँले बताउनुभयो ।
प्रकाशित मिति: शनिबार, जेठ ५, २०८१, १६:४६
