काठमाडौँ । नेपाल एसीसी प्रिमियर कप पुरुष क्रिकेटको सेमिफाइनल प्रवेश गरेको छ । ओमानमा चलिरहेको प्रतियोगितामा लगातार तेस्रो खेलमा जित हात पार्दै नेपाल एक खेल अघि नै सेमिफाइनल पुगेको हो ।
आजको खेलमा नेपालले हङकङलाई ८ विकेटले हराएको हो । पानी परेपछि १८ ओभरमा छोट्याइएको खेलमा ११५ रनको लक्ष्य नेपालले १२ ओभर २ बलमा २ विकेट गुमाएर पूरा गर्यो ।
नेपालकाे जितमा कप्तान रोहित पाैडेल २५ र सन्दीप जोरा १९ रनमा अविजित रहनुभयो ।
नेपालका दुबै ओपनरले आक्रामक सुरुवात दिलाएको खेलमा आसिफ शेखले १८ बलमा ३ छक्का र ३ चौकासहित ४० तथा कुशल भुर्तेलले १९ बलमा ३ चौका र २ छक्का सहित ३२ रन बनाउनुभयो ।
टर हारेर पहिले ब्याटिङ गरेको हङकङ ११४ रनमा अलआउट भएको थियो । नेपालका अविनाश बोहोराले ३ तथा ललितनारायण राजवंशी र दीपेन्द्रसिंह ऐरीले दुई दुई तथा करण केसीले एक विकेट लिनुभयो ।
प्रतियोगिताको समुह चरणको आफ्नो अन्तिम खेलमा नेपालले साउदी अरेबियासँग खेल्नेछ ।
प्रकाशित मिति: सोमबार, वैशाख ३, २०८१, १५:२२
