काभ्रे । काभ्रेपलाञ्चोक जिल्लाको नमोबुद्ध नगरपालिकास्थित मेथिनकोट अस्पतालमा निःशुल्क मुटुरोग सम्बन्धी शिविर सञ्चालन हुने भएको छ
सहिद गङ्गालाल अस्पतालसँगको युक्त आयोजनामा यही असोज २० गते मेथिनकोट अस्पताल प्राङ्गणमा निःशुल्क मुटुरोग सम्बन्धी शिविर चल्ने भएको हो ।
अस्पताल प्रशासनले एक सूचना जारी गर्दै जिल्लाभरका सम्पूर्ण मुटु रोगीलाई शिविरमा उपस्थित भएर जाँच गर्न अनुरोध गरेको छ ।
मेथिनकोट अस्पतालमा केही दिनअघि बाट मिर्गौलाको डायलायसिस सेवाको पनि सुरु गरिएको छ ।
मिर्गौला रोगीको उपचारका लागि पाँच वटा अत्याधुनिक मेसिनबाट डायलायसिस सेवा बिस्तार गरिएको अस्पतालले जनाएको छ ।
प्रकाशित मिति: सोमबार, असोज ८, २०८०, १५:१९
