काठमाडौँ । युवा गायक जोसेफ शाही ठकुरीको ‘कता हिँडेकी’ बोलको नयाँ गीत सार्वजनिक भएको छ । शाहीको आफ्नै युट्युव च्यानलबाट आइतबार गीतको भिडियो सार्वजनिक भएको हो ।
गीतमा कुमार रेग्मीको शब्द रचना, हरी लम्सालको संगीत र फणिन्द्र राइको संगीत संयोजन रहेको छ । पर्पल स्टुडियोमा रेकर्ड गरिएको गीतको ध्वनी सम्पादन सुमन खड्काले गर्नुभएको हो ।
गीतको भिडियोमा मोडल मिस पवी, मिस्टर नेपाल आइकनका विजेता विनायकराज पोखरेल, कुमार रेग्मी, सचिन गौतमलगायतको अभिनय रहेको छ । उत्तम हुमागाईँको छायाँकन र विष्णु खड्का सम्पादन रहेको गीतको भिडियो निर्देशन गौरव गिरीले गर्नुभएको हो ।
‘कता हिँडेकी’ नेपाली लोक शैलीलाई आधार बनाएर तयार गरिएको आधुनिक गीत हो । एकजना युवकले आफुलाई मन परेकी युवतीलाई आफ्नो बसमा पार्न अनेकौं भावना अभिव्यक्त गरेको कथा गीतमा समेटिएको छ । अपराध अनुसन्धान महाशाखामा कार्यरत युवतीले माया गरेजस्तो गरी लागू औषध कारोबारमा संलग्न युवकलाई कानुनी दायरामा ल्याएको सन्देश भिडियोमा दिइएको छ ।
गीतको भिडियो :
प्रकाशित मिति: सोमबार, जेठ २९, २०८०, १६:४४
