कोरोना सङ्क्रमित सङ्ख्या २ सय १७ पुग्यो

स्वास्थ्य

कोरोना सङ्क्रमित सङ्ख्या २ सय १७ पुग्यो काठमाडौँ र भक्तपुरमा पनि कोरोना सङ्क्रमित भेटिए, नयाँ सङ्क्रमितको हालको अवस्था सामान्य

सीआईएन मंगलबार, वैशाख ३०, २०७७

काठमाडौँ । नेपालमा नोबेल कोरोना भाइरस, कोभिड १९ सङ्क्रमितको कुल सङ्ख्या २ सय १७ पुगेको छ ।

राति सवा १० बजे स्वास्थ्य तथा जनसङ्ख्या मन्त्रालयले जारी गरेको सूचना अनुसार राष्ट्रिय प्रयोगशाला टेकुमा गरिएको परीक्षणमा २६ जनामा सङ्क्रमण देखिएको हो ।

थप सङ्क्रमण पुष्टि भएकाहरु पर्सा जिल्ला निवासी २२, २८, २८, ३२, ४५ र ६० वर्षका महिला र १६, २२,२४, २५, २५, २८, २८, ३२, ५९, ५५, ६१ र ६१ वर्षका पुरुष रहेको मन्त्रालयका सह प्रवक्ता डा समिरकुमार अधिकारीले जानकारी दिनुभयो ।

त्यसैगरी महोत्तरी निवासी १६ र ३५ वर्का पुरुष अनि धनुषा जिल्लाका २० वर्षका महिला र ४० वर्षका पुरुषमा पनि कोरोना पुष्टि भएको डा अधिकारीको भनाइ छ ।

भक्तपुर निवासी २५ वर्षका मिहला र २७ वर्षका पुरुष, काठमाडौँ जिल्ला निवासी ३३ वर्षका महिलाका साथै सर्लाहीका ४५ वर्षका एक पुरुषमा पनि कोरोना पुष्टि भएको सहप्रवक्ता अधिकारीले बताउनुभयो ।

यसअघि आज दिउँसो ५७ जनामा कोरोना भाइरसको सङ्क्रमण पुष्टि भएको थियो । उनीहरुमध्ये ३९ जना पर्साका थिए ।