हुम्ला । हिमाली जिल्ला हुम्लाको अदानचुली गाउँपालिकाको सुर्योदय माध्यामिक विद्यालयको कक्षाकोठा गत ४ गते आएको लगातारको वर्षासँगैको बाढीले बगाउँदा विद्यार्थी खुल्ला आकासमा पढ्न बाध्य भएका छन् ।
सोही दिन आएको बाढीका कारण कक्षा ९ को कोठा भत्किएसँगै विद्यार्थीको बिचल्ली भएको हो । कक्षा ६ देखि १२ सम्म अध्ययन हुने यो विद्यालयमा अन्य कक्षाकोठा उपलब्ध नहुँदा कक्षा ९ मा अध्यनरत ६० जना खुला आकासमा अध्ययन गराउन बाध्य भएको प्रधानाध्यापक टङ्कधोज खत्रीले बताउनुभयो ।
उहाँका अुसार अन्य कक्षाकोठामा लेदो पसेको भए पनि कक्षा ९ को कोठा भत्किएर फर्निचरका सामग्रीसमेत बगाएकाले उनीहरूलाई कक्षाकोठामा अध्यापन गराउन असहज भएको छ ।
गत महिनाको २० गतेदेखि विद्यालयका शिक्षक आन्दोलनमा रहेकाले बन्द भए पनि ९ बुँदे सहमति गरेसँगै विद्यालय खुला हुदा अध्ययन गराउन अपठेरो भएको हो ।
विद्यार्थीलाई ऐक्षिक विषय अध्ययन गर्दा झनै समस्या हुने गरेको प्रधानाध्यापक खत्रीले बताउनु भएको छ ।
ऐक्षिक प्रथम र दृतीय गरी दुई ठाउँमा अध्ययन गराउनु पर्ने भएकाले उनीहरूलाई खुला आकासमा अध्ययन गराउन असहज भएको हो ।
प्रकाशित मिति: बिहीबार, वैशाख २५, २०८२
