गजबका गिद्ध (तस्बिरहरू)

विशेष

ओम यादव बिहीबार, चैत १६, २०७९, १०:४१

काठमाडौँ । नेपालभर करिब १५ हजार गिद्ध रहेको अनुमान छ । तीमध्ये आठ प्रकारका गिद्ध पूर्वी नवलपरासीको जटायु रेस्टुरेन्टमा पाइन्छन् । दक्षिण एसियाकै नौलो र समुदायद्वारा सञ्चालित विश्वकै पहिलो जटायु रेस्टुरेन्टले गिद्ध संरक्षणका लागि काम गर्दै आएको छ ।पूर्वी नवलपरासीको कावासोती नगरपालिका १३ मा २०६३ सालमा स्थानीय संरक्षणकर्मीको सोच र योजनामा नेपाल पक्षी संरक्षण संघ तथा आरएसयूपी बेलायतको आर्थिक र प्रविधिक सहयोगमा यो रेस्टुरेन्ट खुलेको हो ।नमुना मध्यवर्ती सामुदायिक वनमा रहेको जटायु रेस्टुरेन्टकाे संरक्षण क्षेत्र नगरपालिकाको ७,१२ र १३ नम्बर वडासम्म फैलिएको छ । लामीचौर उपभोक्ता समिति अन्तरगत पर्ने सात वटा वन क्षेत्रलाई गिद्ध संरक्षणको लागि छुट्टाइएको छ । नेपालमा पाइने ९ मध्ये ८ प्रजातिका गिद्ध यहाँ पाइन्छ । मरेका जनावर लगायत खाएर वातावरणलाई सफा बनाइदिने भएकाले भएकाले गिद्धलाई प्रकृतिको कुचिकार पनि भनिन्छ ।