CIN Khabar

साझा खबर

रेडियो लाङटाङको अध्यक्षमा सोहम सुवेदी चयन

सीआईएन आईतबार, माघ ८, २०७९, ०६:५२:००

रसुवा । पर्यटन विकास तथा सञ्चार केन्द्र नेपालद्वारा सञ्चालित रसुवाको सामुदायिक रेडियो लाङटाङको अध्यक्षमा सोहम सुवेदी चयन हुनुभएको छ ।

संस्थाको हिजो भएको ८औँ वार्षिक साधारण सभा तथा तेस्रो अबिधेशनबाट अध्यक्षमा सुवेदी चयन हुनुभएको हो ।

७ सदस्यीय कार्यसमितिको उपाध्यक्षमा गीता धिमिरे, सचिवमा गीता न्यौपाने, कोषाध्यक्षमा दुर्गानाथ न्यौपाने (बलराम) चयन हुनुभएको छ ।

सदस्यमा शिवराम भण्डारी,केशब मिश्र र शर्मिला न्यौपाने धिमिरे रहनु भएको छ ।

संस्थाको ८औँ वार्षिक साधारण सभाको अवसरमा स्वर्गीय ‘रामकृृष्ण आचार्य स्मृति पत्रकारिता पुरस्कार २०७९’ बाट रसुवाका पत्रकार ज्ञानेन्द्रनाथ न्यौपानेलाई ११ हजार १ सय ११ नगदसहित प्रमाण प्रदान गरिएको छ ।

रसुवाबाट निर्वाचित प्रतिनिधि सभाका सासंद, प्रदेश सभाका सा‌ंसद तथा स्थानीय तहका प्रमुख,उपप्रमुखलाई पनि कार्यक्रममा सम्मान गरिएको संस्थाका सचिव गीता न्यौपानेले जानकारी दिनुभयो ।

प्रकाशित मिति: आईतबार, माघ ८, २०७९, ०६:५२:००

सीआईएन

सीआईएन नेपालका सामुदायिक रेडियोहरुको नेटवर्क हो ।

प्रतिक्रिया दिनुहोस्