काठमाडौँ । ६ महिनादेखि ५ वर्ष मुनिका बालबालिकालाई आज पनि भिटामिन ‘ए’ र जुकाको औषधि खुवाइँदैछ ।
हिजो पनि भिटामिन ‘ए’ र जुकाको औषधि बालबालिकालाई खुवाइएको थियो ।
२ दिनमा ५ वर्ष मुनिका ३२ लाख बालबालिकालाई भिटामिन ‘ए’ र करिब २९ लाख बालबालिकालाई जुकाको औषधि खुवाउने लक्ष्य राखिएको स्वास्थ्य मन्त्रालय अन्तर्गत स्वास्थ्य सेवा विभागका पोषण शाखा प्रमुख लीलाविक्रम थापाले बताउनुभयो ।
यही क्रममा नियमित खोप लगाउन छुटेकाहरूलाई नजिकैको स्वास्थ्य केन्द्रमा गएर खोप लगाउने व्यवस्थासमेत मिलाइएको उहाँको भनाइ छ ।
बालबालिकामा हुन सक्ने स्वास्थ्य जटिलता तथा कुपोषणको जोखिम कम गर्न सरकारले २०५० सालदेखि भिटामिन ‘ए’ क्याप्सुल र ०५६ सालदेखि जुकाको औषधि नियमित खुवाउँदै आएको छ ।
प्रकाशित मिति: शुक्रबार, वैशाख ७, २०८१, १०:४१
