काठमाडौँ । आज संविधान दिवस, नेपालमा नयाँ संविधान कार्यान्वयनमा आएको ७ वर्ष पूरा भएको छ ।
२०७२ साल असोज ३ मा नयाँ संविधान लागु भएदेखि सरकारले हरेक वर्ष असोज ३ मा संविधान दिवस मनाउँदै आएको छ ।
नागरिकलाई लोकतन्त्र, गणतन्त्रको अनुभूत र अधिकार सम्पन्न गराउने उद्देश्यले २०७२ असोज ३ मा नयाँ संविधान जारी गरिएको थियो ।
नयाँ संविधान लागु भएसँगै मुलुक सङ्घीयतामा गएको हो । तर, संविधान कार्यान्वयनमा आएको ७ वर्षमा पनि सर्वस्वीकार्य हुन नसकेको विभिन्न राजनीतिक दलका नेताहरू बताउँछन् ।
मधेशवादी दल र राष्ट्रिय प्रजातन्त्र पार्टीले संविधानप्रति असन्तुष्टि जनाउँदै आएका छन् ।
संविधान दिवसको अवसरमा आज ९ सय ९८ जनालाई विभिन्न मानपदवी, अलङ्कार र पदकद्वारा विभूषित गर्ने कार्यक्रम रहेको छ ।
राष्ट्रपति विद्यादेवी भण्डारीले सरकारले सार्वजनिक गरेको नामावली अनुसार यस पटक ‘नेपाल रत्न’ स्वर्गीय पूर्वप्रधानमन्त्री सुशील कोइरालालाई मरणोपरान्त प्रदान गर्ने भएको छ ।
‘राष्ट्र गौरव’ स्वर्गीय जीवराज न्यौपाने, मन्त्रिपरिषद्का पूर्वअध्यक्ष र सत्यमोहन जोशीलाई प्रदान गरिने भएको छ ।
प्रकाशित मिति: सोमबार, असोज ३, २०७९, ०९:२८
