बैतडी । बैतडीको पञ्चेश्वर गाउँपालिका–५ तिलकपुरमा जिप दुर्घटना हुदा एक जनाको मृत्यु भएको छ भने ११ जना घाइते भएका छन् ।
देहिमाण्डौका लागि छुटेको से १ ज २९५ नं को जिप सोमबार बिहान ११ः३० बजेतिर दुर्घटना हुँदा पञ्चेश्वर–५ मसिनाका ५५ बर्षीय महादेव भट्टको मृत्यु भएको जिल्ला प्रहरी कार्यालय बैतडीका प्रहरी सूचना अधिकारी प्रहरी निरीक्षक योगेश खत्रीले जानकारी दिनुभयो ।
जिपमा रहेका बाँकी ११ जना घाइते भएका र उनिहरुलाई घटनास्थलबाट अस्पताल लैजाने काम भइरहेको प्रहरी निरिक्षक योगेश खत्रीले जानकारी दिनुभयो । घाइतेको परिचय खुल्न बाँकी छ।
प्रमुख जिल्ला अधिकारी सुरेश पन्थीसहित सुरक्षा निकायका प्रमुखहरुको टोली समेत घटनास्थलतर्फ गइरहेको छ ।
प्रकाशित मिति: सोमबार, चैत २०, २०७९
