रामेछाप । रामेछापको दोरम्बा शैलुङ गाउँपालिका–३ लेखखर्क स्थित पहरी गाउँमा पहिरोमा पुरिएर बेपत्ता भएका ४ जनाको शव फेला परेको छ ।
गएराति त्यस क्षेत्रमा झरेको पहिरोले ४ घर बगाएको जिल्ला प्रहरी कार्यालय रामेछापका प्रहरी निरीक्षक कौशल न्यौपानेले जानकारी दिनुभयो । उहाँका अनुसार ४ जनाको शव फेला परेको छ भने एक जना घाइतेको उद्धार गरीएको छ ।
सोही ठाउँका ३० वर्षका चण्डिका श्रेष्ठ, उहाँको १८ महिने छोरा आमुश श्रेष्ठ, वर्ष ५७ का उर्मीला पहरी, वर्ष ३० का सन्दीप पहरी, वर्ष १४ का विज्ञान पहरी र वर्ष ११ का सन्तोष पहरीको शव फेला परेको हो । अझै ४ जना बेपत्ता रहेका छन् ।
घाइते ११ वर्षीय अन्जना श्रेष्ठको स्थानिय स्वास्थ्य संस्थामा उपचार भइरहेको प्रहरी निरीक्षक न्यौपानेले जानकारी दिनुभयो । घटनास्थलमा नेपाली सेना, नेपाल प्रहरी र स्थानियले खोजी कार्य जारी राखेका छन् ।
प्रकाशित मिति: आइतबार, भदौ ९, २०८१, १०:३३
