रामेछाप । रामेछापको रामेछाप नगरपालिका वडा नम्बर ९ टार गाउँमा आगलागीबाट २६ घरगोठ जलेर नष्ट भएका छन् ।
वडा नम्बर ९ का अध्यक्ष चन्द्र श्रेष्ठले आगलागीबाट १४ वटा घर र १२ वटा गोठ जलेर नष्ट भएको जानकारी दिनुभयो ।
आगलागीकामा धनमाल, अन्नपात, लत्ताकपडा सबै जलेर खरानी भएका छन् भने गोठमा बाँधिएका भैँसी, गोरु र ५० वटाभन्दा बढी खसी, बाख्रा जलेका छन् ।
आगलागीबाट घरबारविहीन भएका पीडितहरूले खुल्ला आकास मुनि रात कटाएका छन् । बस्ने घर, खाने अन्न र ओढ्ने कपडा सबै जलेर खरानी भएपछि उनीहरू पीडामा छन् ।
बस्ती नजिकैको जङ्गलबाट गाउँमा प्रवेश गरेको आगोले धेरै क्षति गरेको छ । बाक्लो बस्ती रहेको टार गाउँका अधिकांश घरहरू जलेको अवस्थामा छन् ।
टारका स्थानीयबासी रामेछापको बिहीवारे हाटमा गएको समयमा आगलागी हुँदा धेरै क्षति भएको वडाअध्यक्ष श्रेष्ठले बताउनुभयो ।
प्रकाशित मिति: शुक्रबार, चैत २, २०८०, ०९:४३
