काठमाडौँ । सरकारले आज काठमाडौँका विभिन्न पाँच ठाउँबाट ग्यास उपलब्ध गराउने भएको छ ।
जिल्ला प्रशासन कार्यालय काठमाडौँ र नेपाल आयल निगमको समन्वयमा उपभोक्तालाई सहज पार्न पाँच ठाउँबाट ग्यास वितरण गर्न लागिएको हिजो उद्योग मन्त्रालयलगायत सराेकारवालाले आयोजना गरेकफ पत्रकार सम्मेलनमा जानकारी दिइएको हो ।
निगमका अनुसार पुरानो जिल्ला प्रशासन कार्यालय बबरमहल, राधा स्वामीपरिसर कीर्तिपुर, राधा स्वामी भवन वसुन्धरापरिसर, यातायात कार्यालयपरिसर चाबहिल र निगमको टेकु कार्यालयबाट ग्यास वितरण गरिने छ ।
निगमको टेकुपरिसरमा नेपाल, एचपी, एभरेस्ट/सुगम, श्रीराम, सगर, सिद्धार्थ, श्री र हिमाल ग्यास वितरण हुने छ । यातायात कार्यालयपरिसर चाबहिलमा नेपाल र एचपी ग्यास वितरण हुने छ ।
राधा स्वामी कीर्तिपुरपरिसरमा नेपाल, एचपी, एभरेस्ट, सुगम, श्रीमाया, श्रीकृष्ण, साइबाबा र ओम ग्यास वितरण गरिने छ । राधा स्वामी वसुन्धरापरिसरमा नेपाल, एचपी, एभरेस्ट, सुगम, भानु र ओम ग्यास वितरण गरिने छ ।
पुरानो जिल्ला प्रशासन कार्यालय बबरमहलमा नेपाल, एचपी, एभरेस्ट/सुगम, श्रीराम, सगर, हिमाल, एसटिसी, लोकप्रिय र सूर्य ग्यास वितरण गरिने निगमले जनाएको छ ।
अति आवश्यक पर्ने उपभोक्ताले नागरिकता वा राष्ट्रिय परिचयपत्रसहित बिहान १० बजेदेखि बेलुका ६ बजेसम्म यी ठाउँबाट ग्यास खरिद गर्न सक्ने निगमले जनाएको छ ।
पहिलो चरणमा ती ठाउँबाट ग्यास वितरण गर्ने र अन्य ठाउँमा पनि सुरु गरिने निगमले जनाएको छ । स्थानीय डिपोबाट पनि निरन्तर ग्यासको वितरण भइरहेको निगमले जनाएको छ ।
प्रकाशित मिति: शनिबार, साउन ३०, २०८३
