काठमाडौँ । काठमाडौँको टोखा नगरपालिका ५ बसुन्धारा स्थित सिद्ध बाबा इन्टरप्राइजेज (कपडा गार्मेन्ट) मा लागेको आगो नेपाली सेनाले निभाएको छ ।
बिहान भएको आगलागी नेपाली सेना, नं. १ विपद् व्यवस्थापन गण तथा नरसिंहदल गणबाट २ वटा दमकलसहित खटिएको टोलीले अन्य सुरक्षा निकायसँगको सहकार्यमा आगो निभाएको जनाएको छ ।
काठमाडौँ, ललितपुर, बुढानीलकण्ठ, भक्तपुर, सुर्यविनायक, कागेश्वरी मनहरा, चन्द्रागिरि नगरपालिकाका बारुणयन्त्र अनि जुद्ध वारुण यन्त्र, वसन्तपुर र सशस्त्र प्रहरी बल, नेपालको दमकल आगो निभाउन प्रयोग गरिएको थियो ।
आगलागीमा मानवीय क्षति नभएको र सिद्धबाबा इन्टरप्राइजेज (कपडा गार्मेन्ट) का साथै सोही इन्टरप्राइजेजसँग जोडिएका किराना पसल र टिभी पसलमा पनि क्षति पुगेको सैनिक जनसम्पर्क तथा सूचना निर्देशनालयले जनाएको छ ।
प्रकाशित मिति: बुधबार, जेठ २७, २०८३
