सिन्धुपाल्चोक । लगातारको वर्षापछि सिन्धुपाल्चोकको जुगल गाउँपालिका वडा नम्बर २ लिदिमा आज विहान पहिरो खस्दा १३ घर पुरिएका छन् ।
लिदी गाउँका १३ घर पुरिएको र केही थप घरहरु जोखिममा रहेको जानकारी प्राप्त भएको गाउँपालिका उपाध्यक्ष सिर्जना तामाङले जानकारी दिनुभयो ।
पहिरोले लामा गाउँ पुरिँदा १३ घर पूरै क्षति भएको, १५ जना घाइते आफैँ निस्किएको, उद्धार गर्न जान सक्ने अवस्था नरहेको स्थानीय आशवहादुर तमाङले बताउनुभयो ।
पूरिएका ५ घरका सबै सम्पर्कविहीन रहेको तमाङले जानकारी दिनुभयो । सिन्धुपाल्चोकका प्रमुख जिल्ला अधिकारी उमेशकुमार ढकालले घटनास्थलमा सेना र प्रहरीलाई पठाइएको जानकारी दिनुभयो ।
जनप्रतिनिधि एवं बिभिन्न राजनीतिक पार्टी नेतृत्वको टोली हेलिकोप्टरसहित उद्धारमा जाँदै गरेको बागमती प्रदेशका सामाजिक विकास मन्त्री युबराज दुलालले बताउनुभयो ।
प्रकाशित मिति: शुक्रबार, साउन ३०, २०७७, ०८:५५
