सिन्धुपाल्चोक ।
इन्द्रावती गाउँपालिका वडा नं २ का स्थानीयवासीले वडाभरिका अति विपन्न परिवारलाई खाद्य सामग्री सहयोग गरेका छन् ।
समाजसेवी मोहन गिरीको अगुवाइमा इन्द्रावती साना किसान कृषि सहकारी संस्थाको सहयोगमा अति विपन्न ७५ परिवारलाई सहयोग गरिएको हो ।
आइतबार सहयोग वितरणको शुभारम्भ गर्दै सहकारीका अध्यक्ष रामशरण गिरीले दैनिक गुजारा चलाउन समस्या भएका परिवारलाई सहयोग गरिएको बताउनुभयो ।
स्थानीय मोहन गिरीले ५० हजार सहयोग गर्नुभएको छ भने हिराबहादुर गिरी तथा रामेछापका बलराम खड्का लगायतले सहयोग उपलब्ध गराउनुभएको छ ।
अहिले ७५ परिवारलाई सहयोग गरे पनि आवश्यक परे अन्य परिवारलाई पनि सहयोग गर्न सकिने मोहन गिरीले जानकारी दिनुभएको छ ।
क्वारेन्टाइन पु¥याइएका २४ जनालाई स्वास्थ्य जाँचपछि घर पठाइयो
लकडाउन उल्लङ्घन गरी क्वारेन्टाइन पु¥याइएका २४ जनालाई घर पठाइएको छ ।
ग्रामिण महिला सिर्जनशीलमा रहेको क्षेत्रीय क्वारेन्टाइनबाट स्वास्थ्य जाँच गरी घर पठाइएको हो ।
उनीहरुलाई सम्बन्धित वडाका अध्यक्षले नियमित स्वास्थ्य जाँच तथा सेल्फ क्वारेन्टाइनमा बस्ने सर्तसहित जिम्मेवारी दिएर पठाइएको जिल्ला समन्वय समितका प्रमुख कृष्णगोपाल तामाङले जानकारी दिनुभयो ।
राजधानीका विभिन्न ठाउँमा पेशा व्यवसाय गरी बसेको प्रमाण जुटाइ कोरोनासँग मिल्दो कुनै लक्षण नभेटिएको डाक्टरको सिफारिसको आधारमा आ – आफ्नो घर पठाइएको तामाङले जानकारी दिनुभयो ।
उनीहरुलाई चैत्र २० गते लकडाउनको नियम मिचेर काठमाडांैबाट बाह्रबिसे जाँदै गर्दा तीन वटा बोलेरो पिक अपबाट नियन्त्रणमा लिएर प्रहरीले क्वारेन्टाइन पु¥याएको थियो ।
२४ मध्ये एक जना चौतारा साँगाचोक गढी नगरपालिका, एक त्रिपुरा सुन्दरी गाउँपालिका र अधिकांश बाह्रबिसे नगरपालिकाका रहेका छन् ।
प्रकाशित मिति: आइतबार, चैत २३, २०७६, १३:१२
