काठमाडौं । गएको २४ घण्टामा ९० जना सङ्क्रमित थपिएका छन् । देशभर संक्रमित संख्या ७ सय ७२ पुगेको छ । कपिलवस्तु २६ र रौतहटमा २२ । आज १४ जिल्लामा सङ्क्रमित थपिएका छन् । सुर्खेत, रौतहट, महोत्तरीमा गरि २६ जना थपिएका हुन् । सुर्खेतको वीरेन्द्रनगर नगरपालिकामा एक महिलासहित ८ जना, भेरीगंगा नगरपालिका र सिम्ता गाउँपालिकामा दुईरदुईजना पुरुषमा कोरोना पुष्टि भएको हो ।
वीरेन्द्ररनगर नगरपालिका १ मा १६ वर्षीय किशोर, वडानम्बर २ मा ३२ वर्षीय महिला र ९ वर्षीय बालकसहित २०, ३२ र ३६ वर्षका पुरुष, वडानम्बर ३ मा ४६ वर्षका पुरुष र वडानम्बर ६ मा २६ वर्षका युवकमा कोरोना पुष्टि भएको छ ।
यस्तै पूर्वी सुर्खेतको भेरीगंगा नगरपालिका-८ मा १६ र १७ वर्षीय दुईजना पुरुष र सिम्ता गाउँपालिका-४ मा ३५ र ४९ वर्षीय पुरुषमा पनि कोरोना पुष्टि भएको सामाजिक विकास मन्त्रालयले जनाएको छ ।
योसँगै सुर्खेतमा सङ्क्रमितको सङ्क्रमितको संख्या १५ पुगेको छ भने कर्णाली प्रदेशमा २३ पुगेको मन्त्रालयले जनाएको छ ।
नयाँ पुष्टि भएका सबै सङ्क्रमित भारतबाट आएका हुन् । त्यस्तै प्रदेश दुईमा मात्रै आजै २६ जना सङ्क्रमित थपिएका छन । रौतहटमा २१ जना र महतेत्तरीमा ५ जना थपिएका छन् । । सबै भारतबाट आएका हुन् ।
प्रकाशित मिति: मंगलबार, जेठ १३, २०७७, १०:३१
