काठमाडौँ । आज थप २७ जनामा नोबेल कोरोना भाइरस (कोभिड१९) को सङ्क्रमण पुष्टि भएसँगै नेपालमा हालसम्म कोरोना सङ्क्रमितको सङ्ख्या ४ सय २ पुगेको छ ।
स्वास्थ्य तथा जनसङ्ख्या मन्त्रालयकाका प्रवक्ता डा विकास देवकोटाका अनुसार काठमाडौँमा ३ र भक्तपुर तथा ललितपुरमा एकएक जनामा कोरोनाको सङ्क्रमण पुष्टि भएको छ ।
झापाका ९ जना, मोरङ र सुनसरीका एकएक जना, सर्लाहीका २ जना, मनवानपुर, रामेछाप, सिन्धुली र लमजुङका एकएक जनामा र कपिलवुस्तका चार अनि नवलपरासीका एक जनामा कोरोना सङ्क्रमण पुष्टि भएको डा देवकोटाले जानकारी दिनुभयो ।
यसैबीच स्वास्थ्य मन्त्रालयले शुल्क तिरेर स्वेच्छिक रुपमा कोरोना भाइरसको परीक्षण गर्न दिने निर्णय गरेको छ ।
मन्त्रालयका प्रवक्ता देवकोटाकाले अब लक्षण नभएका स्वदेशी तथा विदेशी नागरिकले आरडीटी र पीसीआर जाँच गराउन सक्ने बताउनुभयो ।
यसका लागि राष्ट्रिय जनस्वास्थ्य प्रयोगशालाबाट तोकिएको मापदण्ड पालना गर्नुका साथै सूचनाको गोपनीयता र नियमित रिपोर्टिङ गर्ने गरी सार्वजनिक स्वास्थ्य संस्थामा सशुल्क परीक्षण गर्न दिने निर्णय भएको पनि उहाँले जानकारी दिनुभयो ।
प्रकाशित मिति: मंगलबार, जेठ ६, २०७७, १७:४६
