बाजुरा ।
आज बिहान डोटीमा भएको बस दुर्घटनाका मृतकको सनाखत भएको छ ।
दुर्घटनामा परी गम्भीर घाईते हुनुभएका बाजुराको बुढीगंगा नगरपालिका बाह्रबिसका ५१ वर्षीय नयाँ सेरालाको उपचारका लागि अस्पताल लैजादै गर्दा मृत्यु भएको हो ।
जिल्ला ट्राफिक प्रहरी कार्यालयका प्रमुख प्रहरी नायब निरिक्षक मोहन धामीले गम्भीर घाईते सेरालाको उपचारका लागि अस्पताल लैजाने क्रममा मृत्यु भएको जानकारी दिनुभयो ।
उहाँका अनुसार घाईते ३३ जनाको परिचय खुलेको छ ।
घाईते हुनेमा महोत्तरीको बर्दिबासका २८ बर्षका महेश कोईराला, दाङका ४५ बर्षिय राजकुमार केसी, डोटीको सलेनाका ३० बर्षिया रेश्मा ल्वार, डोटी बोगटानका २८ बर्षिय दुर्गासिंह विडारी, जोरायलका २८ बर्षिय कृष्ण बोहोरा, डोटीको सलेनाका २७ बर्षिय रामबहादुर विक, सलेनाकै २२ बर्षिया कल्पना विक रहनुभएको छ ।
यस्तै, बोगटानका बाटु नेपाली, डोटीकै ३७ वर्षीया मैना तिरुवा, कैलालीको अत्तरियाका ३१ बर्षिय छत्र बोहोरा, सडकपुर बौनियाका २० वर्षीय सज्जन चौधरी, मसुरियाका २० वर्षीय टेकबहादुर विक, मसुरियाकै राजन बोहोरा, २३ बर्षिया पार्वती चौधरी घाईते हुनुभएको छ ।
यस्तै, अछामका ३६ बर्षिय भीम बुढा, अछामकै ३१ बर्षिय यज्ञ स्वार, आकाश कुँवर, २७ बर्षिया ईश्वरी सिंह, बाजुराका ३३ बर्षिया गंगादेवी थापा, बाजुराकै २४ बर्षिया धानादेवी विक, २६ बर्षिया कल्पना कुँवर, दार्चुलाका १९ बर्षिय सागर पार्की, २१ बर्षिय कृष्णबहादुर बम, प्रेमबहादुर कुँवर, कञ्चनपुरका २८ बर्षिय अलेक्स लिम्बु, बर्दियाका २३ बर्षिय उज्जवल देवकोटा, २३ वर्षीय दिलबहादुर सिंह, खोटाङका त्रिविक्रम भट्टराई पनि दुर्घटना परी घाईते हुनु भएको प्रहरीले जनाएको छ ।
यसैबीच, दुर्घटनामा परी घाईते हुनुभएका २८ बर्षिय लाल टमटा, ३८ बर्षिय मदनबहादुर जेठारा, ५८ बर्षिय चित्रबहादुर न्यौपाने, सावित्री खड्का, २८ बर्षिया लाल बहादुर साउँदको ठेगाना खुल्न सकेको छैन् ।
घाईतेहरुको डोटीको सुजङ अस्पताल, शैलेश्वरी अस्पताल, जिल्ला अस्पताल र प्रहरी अस्पतालमा उपचार भईरहेको प्रहरीले जानकारी दिएको छ ।
घाईतेमध्ये चार जनाको अवस्था गम्भिर रहेकाले अन्यत्र रेफर गर्ने तयारी भईरहेको प्रहरीले जनाएको छ ।
महेन्द्रनगरबाट बाजुराका लागि छुटेको ना ७ ख ६१८१ नम्बरको बस आज बिहान डोटीको शिखर नगरपालिका–१ भागेश्वर मन्दिर नजिक गौरीपानीमा दुर्घटना भएको थियो ।
दुर्घटनापछि बस चालक लोकेन्द्र बडेलाक फरार रहेका छन् । बस सडकबाट ३० मिटर तल खसेको छ ।
प्रकाशित मिति: शनिबार, कात्तिक १६, २०७६, ११:०७
