काठमाडाै । सडक बत्ती प्रयोग गरे वापतको तिर्न बाँकी बक्यौता रकम करिब १० अर्ब पुगेको छ। नेपाल विद्युत प्राधिकरणकाअनुसार गत असार मसान्तसम्म सडक बत्ति प्रयोग गरेवापतको उठाउनु पर्ने रकम १० अर्ब पुगेको छ।
चालु आर्थिक वर्षको बक्यौता जोड्दा यो रकम अझै बढ्ने प्राधिकरणले जनाएको छ।
प्राधिकरणले पटक पटक ताकेता गर्दा पनि महानगरपालिका, उपमहानगरपालिका तथा नगरपालिकाहरूले बक्यौता रकम तिर्न चासो नदेखाउँदा समस्या झन् जटिल बन्दै गएको हो । सडक बत्ती व्यवस्थापन स्थानीय तहको जिम्वेवारीमा पर्ने भए पनि विद्युत आपुर्ति भने प्राधिकरणले गर्दै आएको छ। प्राधिकरणकाअनुसार लामो समयदेखि बित नतिर्दा बक्यौता रकम बढ्दै गएको सीआइएनसँग कुरा गदै प्राधिकरणका प्रवक्ता राजन ढकालले बताउनुभयो ।
स्थानीय सरकारहरुले भने सडक बत्तीको प्रयोग, मिटरिङ प्रणाली र शुल्क निर्धारणमै स्पष्टता नभएको दाबी गरेका छन्। कतिपय स्थानमा मिटर बिना नै अनुमानित बिलिङ गरिएको गुनासो पनि गरेका छन् । प्राधिकरणकाअनुसार सडक बत्ति प्रयोग गरे वापत तिर्न बाँकि बक्यौता रकम सवै भन्दा धेरै काठमाडौ महानगरपालिकाकाले रहेको छ। महानगरको मात्रै २ अर्ब तिर्न रकम तिर्न बाकीँ छ ।
विशेषज्ञहरूका अनुसार यो समस्या समाधान गर्न तीन तहमा सुधार आवश्यक छ। सडक बत्तीको जिम्मेवारी, मापदण्ड र शुल्क निर्धारणबारे संघीय स्तरमै स्पष्ट कानुनी व्यवस्था गर्नुपर्ने, डिजिटल अनुगमन अर्थात स्मार्ट मिटर जडान गरेर वास्तविक खपतको आधारमा बिलिङ गर्ने गरिएको खण्डमा समस्या समाधान हुने उर्जाविदहरुले बताएका छन् ।
प्रकाशित मिति: शनिबार, वैशाख १२, २०८३
