काठमाडौँ । नेपालबाट १ सय २० गुणा भन्दा धेरैले मैदा निर्यात भएको छ ।
चालु आर्थिक वर्षको फागुनसम्म ९३ करोड ८९ लाख ७३ हजार रूपैयाँ बराबरको मैदा निर्यात भएको भन्सार विभागले जनाएको छ ।
विभागका अनुसार गत वर्ष सोही अवधीमा जम्मा ७९ लाख ९७ हजार रूपैयाँ बराबरको मैदा निर्यात भएको थियो ।
नेपालले सबै भन्दा बढी अमेरिकाका लागि ७ करोड ८२ लाख ४१ हजार रुपैयाँको मैदा निर्यात गरेको छ ।
अष्ट्रेलिया, जर्मन, चीन, फिलिपिन्स लगायत १८ देशका लागि मैदा निर्यात भएको विभागले जनाएको छ ।
विभागका अनुसार चालु आर्थिक वर्षको ८ महिनामा १ करोड १९ लाख ६१ हजार रूपैयाँको २ लाख ६३ हजार किलो मैदा आयात भएको छ ।
पछिल्लो समय भारतले गहुँ निर्यातमा रोक लगाउँदा नेपालमा मैदाको मूल्य बढेको थियो ।
भारतको निर्यात प्रतिबन्धअघि नेपालमा ५० रुपैयाँ किलो रहेको मैदाको भाउ हिजोआज ८५ रुपैयाँ पुगेको छ ।
प्रकाशित मिति: आइतबार, चैत २६, २०७९, १०:३७
