काठमाडौँ । नेपाली काँग्रेसको तर्फबाट समानुपातिक सांसद सुवर्ण ज्वारचनले आज दिउँसो पद तथा गोपनीयताको सपथ लिनुहुने भएको छ ।
पार्टीका तर्फबाट यसअघिका समानुपातिक सांसद रहनुभएका ज्ञानकुमारी छन्त्यालको निधन भएपछि काँग्रेसले निर्वाचन आयोगमा बुझाएको सूचीबाट समानुपातिक सांसदमा ज्वारचनको नाम सिफारिस गरेको हो ।
ज्वारचनले दिउँसो २ बजे संसद सचिवालय सिंहदरवारमा सभामुख अग्नी सापकोटा समक्ष पद तथा गोपनीयताको सपथ लिनुहुनेछ ।
ज्वारचन यसअघि २०७० मा गुल्मीबाट सभासद हुनुहुन्थ्यो ।
बागलुङकी सांसद स्वर्गीय छन्त्याल २०७४ सालको प्रतिनिधिसभामा सामानुपातिक सांसद हुनुहुन्थ्यो । उहाँको गत असार १७ मा निधन भएको थियो ।
प्रकाशित मिति: आइतबार, साउन ४, २०७७
