बाजुरा । बाजुरामा रहेका धार्मिक र पर्यटकीय महत्वका तालहरु संरक्षणको अभावमा संकटमा परेका छन् । छेडेदह र बुढीनन्दा सहितका दर्जन बढि तालको अस्थित्व खतरामा परेको छ ।
पर्यटकलाई मोहनी लगाउने तालको संरक्षण र प्रचारमा स्थानीय तहको ध्यान पुगेको छैन । जिल्लाका छेडेदह, बुढीनन्दा, त्रिबेणी लगायतका ताल संरक्षणको पर्खाइमा छन् ।
तालको संरक्षणमा सम्बन्धित निकायको ध्यान नपुगेको स्थानीयको गुनासो रहेको छ । संरक्षण अभावमा तालहरुमा जङ्गली झारपात र बुट्यानले ढाक्दै गएको छ । घरेलु चौपाया र जङ्गगली जनावरले फोहोर गर्दा खप्तड छेडेदह गाउँपालिकामा रहेको छेडेदह ताल परिंदै जान थालेको छ ।
पर्यटन विकास र स्थानीय श्रोतको प्रयोग गरेर जिल्लामा आम्दानी गर्न सकिने भएपनि प्रदेश र केन्द्रले पनि ताल संरक्षण र पर्यटन प्रवद्र्धनमा चासो दिएका छैनन् ।
छेडेदह, त्रिबेणी र बुढीनन्दा तालले प्राकृतिक स्वरुप गुमाउँदै गएपछि चराचुरुङ्गीको बाँसस्थान पनि संकटमा परेको छ । खप्तड छेडेदह गाउँपालिकामा रहेको छेडेदह तालको पछिल्लो समय मोह खट्दै गएपछि स्थानीय समेत चिन्तित भएका छन् ।
गाउँपालिकाले कुनै निश्चित योजना नबनाउँदा ताल आसपासको क्षेत्र अहिले गौचरनको रुपमा प्रयोग भईरहेको स्थानीय नरेश सुनारले बताउनुभयो ।
प्रकाशित मिति: आइतबार, जेठ १९, २०७६, १५:२८
