काठमाडौँ । आप्रवासी नेपालीको कथा समेटिएको कृति "श्रमाटन" अङ्ग्रेजी भाषामा प्रकाशित भएको छ ।
यस कृतिमा नेपालीले गर्ने वैदेशिक श्रमको कष्टकर र दुःखपूर्ण अवस्थाका बारेमा यात्रा संस्मरण शैलीमा प्रस्तुत गरिएको छ ।
जोशीले विभिन्न देशमा वैदेशिक रोजगारीको बारेमा अध्ययनअनुसन्धान, देखेको र सुनेको आधारमा पुस्तक लिखएको र त्यसलाई अङ्ग्रेजी भाषामा पनि अनुवाद गरिएको बताउनुभयो । उहाँको "आधुनिक बेली" शीर्षकको उपन्यास यसअघि नै प्रकाशित भइसकेको छ ।
लेखकले नियमितरूपमा युवा र श्रम आप्रवासनका विषय उठाउँदै आउनु भएको छ । नेपालका राष्ट्रिय पत्रपत्रिकामा उहाँका लेखरचना प्रकाशन भइरहेका छन् ।
निराला पब्लिकेशन्सले प्रकाशन गरेको कृति "श्रमाटन" साहित्यकार तथा पत्रकार अरुण बुढाथोकीले अनुवाद गर्नुभएको हो ।
पब्लिकेसन्सका नेपाल प्रतिनिधि युयुत्सु आर डी शर्माले कृति लेखकको उत्तेजनापूर्ण जीवित अनुभव रहेको टिप्पणी गर्नुभयो ।
प्रकाशित मिति: बिहीबार, चैत १६, २०७९, १५:०९
