काठमाडौँ । नेकपा एमाले त्यागेको घोषणा गरेका नेता घनश्याम भुसाल आज नेकपा एकीकृत समाजवादी पार्टीमा प्रवेश गर्नुहुने भएको छ ।
दिउँसो काठमाडौँको नयाँवानेश्वरस्थित एक होटलमा पत्रकार सम्मेलन गरी उहाँले पार्टी प्रवेशको घोषणा गर्न लाग्नु भएको हो ।
एकीकृत समाजवादी पार्टीका प्रचार विभाग प्रमुख जगन्नाथ खतिवडाका अनुसार भुसाल तत्काल पार्टीमा प्रवेश गरे पनि उहाँलाई दिइने जिम्मेवारीका बारेमा भने कुराकानी भइरहेको छ ।
भुसालले पार्टीको विचार र धारणा मागेपछि नेकपा एकीकृत समाजवादी पार्टीले हिजो पत्र पठाउँदै तत्काल पार्टीमा आउन आग्रह गरेको थियो ।
गत मङ्सिर ४ मा भएको चुनावका लागि पार्टीबाट टिकट नपाएपछि भुसालले एमाले त्यागेको घोषणा गर्दै नेकपा माओवादी केन्द्र, नेपाली काँग्रेस, एकीकृत समाजवादीको समर्थनमा रुपन्देहीबाट उम्मेदवारी दिए पनि पराजित हुनुभएको थियो ।
प्रकाशित मिति: शुक्रबार, पुस २९, २०७९, ०८:१०
