काठमाडौँ । मलेसिया भ्रमणमा रहेको नेपालले पहिलो टी-२० अन्तर्राष्ट्रिय क्रिकेट खेलमा घरेलु टोलीलाई ७ विकेटको पराजित गरेको छ।
केहीबेर अघि सकिएको खेलमा कप्तान पारस खड्काले शानदार ब्याटिङ गर्नुभयो । कप्तान खड्काले ८६ रन जोड्नुभयो । ३२ बलमा पचास रन पूरा गर्दा पारसले ५ चौका र ३ छक्का प्रहार गर्नुभयो ।
कुल ५० बल खेल्दै ८६ रन बनाउँदा भने उहाँले ८ चौका र ५ छक्का प्रहार गर्नुभयो ।
नेपालले मलेसियाले दिएको १ सय २९ रनको लक्ष्य १८.३ ओभरमै पूरा गरेको थियो। जुलाई २२ देखि सिङ्गापुरमा हुने टी-२० विश्वकप एसिया छनौटको फाइनल प्रतियोगिताको अभ्यासका लागि नेपाल मलेसिया पुगेको छ ।
खेलमा शरद भेषवाकरले नटआउट १६ रन बनाउँदा प्रदिपसिंह ऐरीले ८, ज्ञानेन्द्र मल्लले ७ र रोहित पौडेलले ५ रन जोड्नुभयो ।
मलेसियाले टस जितेर ब्याटिङ गर्ने निर्णय गरेको थियो। प्रारम्भिक ब्याट्सम्यान भिरनदिप सिंहले ५७ रन र कप्तान अहमत फैजले ४५ रनको योगदान गरेपछि २० ओभरमा ९ विकेट गुमाएर मलेसियाले १ सय २८ रन बनाएको थियो।
प्रकाशित मिति: शनिबार, असार २८, २०७६, १०:५६
